પરફેક્ટ માપ સાથે બજાર જેવો સ્વાદિષ્ટ આમળાનો મુખવાસ ઘરેજ બનાવો

 શિયાળાની ઋતુ આવતાજ આપણા બધાનાં ઘરમાં આમળાનું આગમન શરુ થઇ જાય છે. આમળામાંથી ઘણીબધી સ્વાસ્થ્ય વર્ધક વાનગીઓ બનતી હોય છે. જેવીકે આમળાનો મુરબ્બો, ચ્યવનપ્રાશ, અથાણું વગેરે વગેરે. આમળામાં પુષ્કળ પ્રમાણમાં વિટામિન સી અને અન્ય પોષક તત્વો રહેલાં છે, જે આપણાં સ્વાસ્થ્ય માટે ખુબજ લાભકારી અને સ્વાસ્થ્ય વર્ધક માનવામાં આવે છે. 

તંદુરસ્તી સારી કરવાથી લઈને આંખો, વાળ, સ્કિન તેમજ એસીડીટી જેવી બીમારી માટે પણ આમળા લાભકારી છે. તો આજે અમે તમને આમળાનો એકદમ ટેસ્ટી અને ક્રિસ્પી મુખવાસ બનાવવાની રેસિપી જણાવવાના છીએ. જે ખૂબ જ સરળ છે અને સાથે સાથે તમે તેને આખું વર્ષ પણ સ્ટોર કરીને પણ રાખી શકો છો. તો ચાલો આમળાના મુખવાસની રેસિપી જાણી લો.

આમળાના મુખવાસની રેસિપી 

સામગ્રી :-
આમળા ૧ કિલો,
મીઠું ૧૫૦ ગ્રામ,
પોટેશિયમ મેટાબાય સલ્ફાઈડ ૧.૫ ગ્રામ. 

મુખવાસ બનાવવાની રીત :-
એકદમ ભરાવદાર મોટા અને સહેજ પીળાશ પડતા ડાઘા વગરના 1 કિલો આમળા લેવા. આ મોટા આંબળાંને ચોખ્ખા પાણીથી ધોઈ તેના પ્રમાણસર ટુકડા કરી એના ઠળીયા દૂર કરો. આ કાપેલા ટુકડાને ૧૫% ના મીઠાના પાણીમાં ત્રણ દિવસ સુધી બોળી રાખો. ( નોંધ:- એક લીટર પાણીમાં ૧૫૦ ગ્રામ મીઠું ઉમેરવું ).

હવે, ત્રણ દિવસ પછી આ મીઠાના પાણીમાંથી આમળાને કાઢીને ફરી એક વાર ચોખ્ખા પાણીથી ધોઈ લેવા. ત્યાર બાદ એક તપેલીમાં 1 લીટર પાણી લઈને એમાં 1.5 ગ્રામ પોટેશીયમ મેટાબાય સલ્ફાઈડ ઉમેરીને એમાં આમળાના ટુકડા ઉમેરવા. ( નોંધ :- એક કીલો ટુકડા દીઠ ૧.૫ (દોઢ) ગ્રામ પોટેશીયમ મેટાબાય સલ્ફાઈડ લેવું. ) 

હવે, આ દ્રાવણમાં આમળાને ત્રણ ક્લાક સુધી રાખી મુકો. અમલના ટુકડાને દ્રાવણમાંથી બહાર કાઢીને સારી રીતે સુકવી દો. જ્યાં સુધી, આમળામાં રહેલો બધો જ ભેજ ઉડી ન જાય ત્યાં સુધી તેને દરરોજ સુકવવું. જયારે આમળાના ટુકડા બરાબર સુકાઈ જાય ત્યાર બાદ એને હવા ચુસ્ત કાચની બોટલ ભરીલો. તમે ને પ્લાસ્ટિકની કોથળીમાં પેક કરીને પણ સાચવી શકાશે અને જ્યારે મુખવાસ તરીકે તમારે ખાવા હોય ત્યારે તમે ખાઈ શકો છો.

 

  

બીજી અન્ય રેસિપી જે તમને જરૂર ગમશે 

• 10+ ઉપયોગ માં આવે તેવી કિચન ટિપ્સ અને ટ્રિક્સ - Useful kitchen tips in gujarati
• દહીંની ચટણી બનાવવાની સરળ રીત
  
• આ 7 સરળ કુકીંગ ટિપ્સ જે તમારી રસોઈને બનાવશે એકદમ લિજ્જતદાર
  
• 4 અલગ અલગ પ્રકારની લસણની ચટણી બનાવવાની રીત - Gartlic chutney recipe in gujarati
  
• ધરે બનાવો હોટલમાં મળતા ક્રિસ્પી પેપર ઢોસા બનાવવાની રીત
• આ ઉનાળાની ગરમી માં ઘરેજ બનાવો પાન ફ્લેવર નો આઈસ્ક્રીમ, પાન ફ્લેવર નો આઈસ્ક્રીમ બનાવવાની રીત
• ફરસાણની દુકાને મળતી એક દમ ફૂલેલી અને ક્રિસ્પી મગ દાળ કચોરી , ખસ્તા કચોરી પરફેક્ટ માપ સાથે બનાવવાની રીત - Khasta kachori recipe in gujarati
  
• ટેસ્ટી ટેસ્ટી પનીર ભુરજી બનાવવાની રીત - Paneer bhurji recipe in gujarati
  
• વાટી દાળ ના ભરેલા કારેલા ના રવૈયા
• બજાર જેવા ક્રિસ્પી વેજ પફ બનાવવાની એકદમ સરળ રીત - Puff recipe in gujarati
  
• બહાર તૈયાર પેકેટમાં મળતો ચાટ મસાલો આ સરળ રીતે ઘરે જાતે જ બનાવો